Gabay Koy Unyurong Ya Mareen Kaiba Ka

Diad karikaan,

akanengneng ed anggapo,

marendeen

kaiba ka.

-

Gabay kon bantayan so Kordilyera,

say asul ya linaew ya mamalkot ed sikato,

tan say tawen ya kolor de rosan sira.

diya,

akayurong

marendeen

kaiba ka.

-

Diad karikaan

ya inames na dayami

tan kareenan,

unyurong tan duwa,

agta mansalita,

onengneng tad letsab

tan manbilang tay panlilinawa.

-

Lapud agko la bukbukor.

Agla patanolen na ermen

so kampanay pakakailiw ko.

Ag ak la napagas ya mangibesngaw

na salsalitan agmet narengel.

-

Lapud sinmabi ka la.

Saray dakat mo et narerengel ko la.

Say petang mo et naliliknak la.

Sa silew mo et nanenengneng ko la.

-

Akin et wadtan kanid benegan ko?

Kakansiyonen la na saray dika so ngaran mo.

Gala la

diad abay ko.

-

Ibaan mo ak lan

onengneng ed anggapo,

tan ondameg ak ed takeb mo

leleg ya banbantagen tay mundo

diya

akayurong

mareendeen

kaiba ka.