Gawat

Agmi la inekas may mais ya impaagew mid kalsada ta

kien

tayaketek la tan nitan lay mabalasubos ya uran ta

kien

wala kuno amoy bagyon maksil ya super typhoon tan

kien

diya ondulan so mata to naani nu labi.

Anggapo met so anggan kariton min panginan ta

kien

aderal la may kuliglig ya babayesen mid si Marlon tan

kien

anggapoy ibayar mid nu siopa tay walay luganan to ta kien

gawat.

Mankulibenben ka pay tuwalya ta

kien

ibaan mo ak ya ompawil dimad kalsada tan

kien

kalkalnaan tan kopkopen nu antoy nakopkop ta tan

kien

isako tan amin.

---

Say litrato’d tagey et ala nen Benno Hansen.